වීථි රේඛා සීමාව

• • • පළාත් පාලන ආයතන බල ප්‍රදේශය තුළ පිහිටි පාරවල් ගමනාගමනයට පහසු ආකාරයෙන් පළල් කිරීමට තීරණය කර ඇති අවස්ථාවක, පාරවල් ඉදිරියේ දී පළල් කිරීමට අපේක්ෂා කරන ඉඩ ප්‍රමාණය පාර දෙපස පිහිටි ඉඩම් වලින් අදාළ පාරට ඈඳා ගන්නා ප්‍රමාණය නිශ්චයකර අදාළ මිනින්දෝරු පිඹුරෙහි සටහන් කර ඇති මායිම් රේඛාව වීථි රේඛාව නම් වේ.
    • වීථි රේඛාව තීරණය කළ පාරක මධ්‍ය ලක්ෂයේ සිට වීථි රේඛාව සීමාව දක්වන ඉඩම් කොටස තුල කිසිදු ඉදි කිරීමක් සඳහා ඉඩ ලබාදීමක් සිදු නො කරනු ඇත.

ප්‍රාදේශීය සභාවට ගෙවිය යුතු වරිපනමක් හෝ යම් කුලියක් හෝ බද්දක් නොගෙවා පැහැර හැර ඇති අවස්ථාවක, ඒ දේපළ මත තිබෙන සියලු ම සහ සෑම චංචල දේපළක් ම තහනමට ගෙන විකුණා එසේ අය වීමට ඇති හිඟ මුදල් පියවා ගැනීමට ප්‍රාදේශීය සභාවේ ලේකම්වරයාට ප්‍රාදේශීය සභා පනතෙන් බලය ලැබී ඇත. යම් හෙයකින් ඒ දේපළ මත තහනමට ගත හැකි චංචල දේපළ නොමැති නම්, එම නිශ්චල දේපළ තහනමට ගෙන විකුණා ඒ හිඟ මුදල අය කර ගැනීමට ද ලේකම්වරයාට බලය ඇත. මෙම නොපවරා ගැනීමේ සහතිකයෙන් වාණිජ බැංකුවක් බලාපොරොත්තු වන්නේ ඒ ආකාරයට නිශ්චල දේපළ තහනමට ගැනීමට ප්‍රාදේශීය සභාවේ ලේකම්වරයා අදහස් කර තිබේ ද නැති ද යන්න තහවුරු කර ගැනීම යි. ඉඩම් අත්පත් කර ගැනීමේ පනත හෝ වෙනත් නීතියක් යටතේ ඉඩම පවරා ගැනීමක් පිළිබඳ කාරණා මෙම සහතිකයට ඇතුළත් නොවේ. නොපවරා ගැනීමේ සහතිකයක් නිකුත් කළ දින සිට මාස හයකට පමණක් වලංගු වේ.

ගොඩනැගිලි සීමාව

• • • පළාත් පාලන ආයතන බල ප්‍රදේශය තුළ පිහිටි මාර්ගයක මධ්‍ය රේඛවේ සිට දෙපසට යම් නිශ්චිත දුර ප්‍රමාණයක් ඇතුළත කිසියම් ඉදිකිරීමක් සඳහා ඉඩ දීම ගොඩනැගිලි සීමාව ලෙස හඳුන්වනු ලැබේ.